U Biełarusi amal skončyli rabić abhruntavańnie dla budaŭnictva druhoj AES
Ministr enierhietyki Biełarusi Dzianis Maroz u intervju telekanału ANT paviedamiŭ, što technika-ekanamičnaje abhruntavańnie budaŭnictva druhoj atamnaj elektrastancyi ŭ krainie ŭžo amal hatovaje. U najbližejšy čas vyniki pracy pradstaviać uradu, a paśla i Łukašenku.
Fota ilustracyjnaje
Dzianis Maroz nahadaŭ, što BiełAES u Astravieckim rajonie stała adnym z najbujniejšych prajektaŭ u historyi niezaležnaj Biełarusi i ciapier zabiaśpiečvaje kala 40% patrebaŭ krainy ŭ elektraenierhii. Pry hetym spažyvańnie elektraenierhii raście i letaś dasiahnuła rekordu — 43,2 miljarda kVt·h.
Jak ličyć ministr, enierhietyčnaja halina i nadalej budzie aryjentavacca na atamnuju enierhietyku, bo termin słužby BiełAES składaje 60 hadoŭ z mahčymym padaŭžeńniem jašče na 40.
Što da pierśpiektyŭ, to razhladajucca dva varyjanty: budaŭnictva treciaha enierhabłoka ŭ Astraŭcy (1200 MVt) abo ŭźviadzieńnie novaj stancyi na inšaj placoŭcy. U kožnaha varyjanta jość svaje plusy i minusy, i ich paraŭnańnie ŭklučana ŭ abhruntavańnie.