Tramp spadziajecca na dobruju sustreču z Pucinym, ale nie ličyć jaje samaj važnaj

Prezident ZŠA Donald Tramp napiaredadni svajoj sustrečy na Alascy z Uładzimiram Pucinym aptymistyčna nastrojeny adnosna mahčymaści zaklučeńnia mirnaha pahadnieńnia pamiž Rasijaj i Ukrainaj. U toj ža čas jon ličyć, što sustreča ŭ piatnicu budzie važnaj, ale nie najvažniejšaj.

Donald Tramp. Fota: Anna Moneymaker / Getty Images

«Važnaja sustreča. Jana budzie vielmi važnaja dla Rasii, jana budzie vielmi važnaja dla nas. Ja dumaju, što heta budzie dobraja sustreča, ale bolš važnaj budzie druhaja sustreča z udziełam Pucina i Zialenskaha, mahčyma my pryciahniem jeŭrapiejskich lidaraŭ, mahčyma nie. Pahladzim, što adbudziecca», — zajaviŭ Donald Tramp padčas pres-kanfierencyi napiaredadni pieramovaŭ z Pucinym.

Pa słovach Trampa, jahonaja asnoŭnaja meta na pieramovach z Pucinym — padrychtavać hlebu dla druhoj, trochbakovaj sustrečy, jakaja pavinna adbycca jak maha chutčej. Jon znoŭ paŭtaryŭ, što kali sustreča z Pucinym projdzie ŭdała, to možna spadziavacca na mir u najbližejšaj budučyni.

«Ja dumaju, što prezident Pucin zaklučyć mir. Prezident Zialenski zaklučyć mir. Pahladzim, ci zmohuć jany damovicca. I kali zmohuć, to heta budzie vydatna», — skazaŭ Tramp.

Kamientary da artykuła