Трамп спадзяецца на добрую сустрэчу з Пуціным, але не лічыць яе самай важнай
Прэзідэнт ЗША Дональд Трамп напярэдадні сваёй сустрэчы на Алясцы з Уладзімірам Пуціным аптымістычна настроены адносна магчымасці заключэння мірнага пагаднення паміж Расіяй і Украінай. У той жа час ён лічыць, што сустрэча ў пятніцу будзе важнай, але не найважнейшай.
Дональд Трамп. Фота: Anna Moneymaker / Getty Images
«Важная сустрэча. Яна будзе вельмі важная для Расіі, яна будзе вельмі важная для нас. Я думаю, што гэта будзе добрая сустрэча, але больш важнай будзе другая сустрэча з удзелам Пуціна і Зяленскага, магчыма мы прыцягнем еўрапейскіх лідараў, магчыма не. Паглядзім, што адбудзецца», — заявіў Дональд Трамп падчас прэс-канферэнцыі напярэдадні перамоваў з Пуціным.
Па словах Трампа, ягоная асноўная мэта на перамовах з Пуціным — падрыхтаваць глебу для другой, трохбаковай сустрэчы, якая павінна адбыцца як мага хутчэй. Ён зноў паўтарыў, што калі сустрэча з Пуціным пройдзе ўдала, то можна спадзявацца на мір у найбліжэйшай будучыні.
«Я думаю, што прэзідэнт Пуцін заключыць мір. Прэзідэнт Зяленскі заключыць мір. Паглядзім, ці змогуць яны дамовіцца. І калі змогуць, то гэта будзе выдатна», — сказаў Трамп.
Чытайце таксама:
Пуцін прапанаваў Трампу пагаварыць пра здзелку па ядзернай зброі
Крэмль: Падпісання дакументаў па выніках перамоў Пуціна і Трампа не плануецца
Стаў вядомы час заўтрашняй сустрэчы Пуціна і Трампа
Мерц і лідары ЕС выставілі Пуціну свае ўмовы, аднак эксперты сумняваюцца ў іх сіле
Трамп сказаў Зяленскаму і еўрапейцам, што не будзе абмяркоўваць з Пуціным пытанне тэрыторый