U Lidzie z-za sankcyj niekalki miesiacaŭ nie ramantujucca stužki-kanviejery kala kasaŭ

U Lidzie ŭ hipiermarkiecie «Rodny kut» na vulicy Tuchačeŭskaha ŭžo niekalki miesiacaŭ nie pracujuć stužki na kasach. Pakupniki i pradaŭcy skardziacca, što heta stvaraje niazručnaści: usie tavary davodzicca padšturchoŭvać uručnuju, piša «Lidskaja hazieta».

Dyrektarka Lidskaha filijała Hrodzienskaha abłspažyŭtavarystva Kryścina Vadziejka rastłumačyła, što abstalavańnie — impartnaj vytvorčaści, tamu i ŭźnikli ciažkaści z zamienaj kamplektujučych. Pastaŭščyk pakul nie moža dastavić patrebnyja detali ŭ Biełaruś.

Pytańnie, jak śćviardžajecca, zastajecca na kantroli kiraŭnictva spažyŭkaapieracyi.

Kamientary da artykuła