9 žniŭnia ŭ Varšavie źjavicca bieł-čyrvona-biełaje padśviatleńnie
9 žniŭnia 2025 hoda Pałac kultury i navuki ŭ Varšavie, a taksama Silezska-Dambroŭski most polskaj stalicy buduć padśviečanyja ŭ bieła-čyrvona-biełyja kolery ŭ znak salidarnaści ź biełarusami. Takoje rašeńnie pryniaŭ prezident Varšavy Rafał Tšaskoŭski pa prośbie pradstaŭnikoŭ Abjadnanaha pierachodnaha kabinieta Biełarusi — Paŭła Łatuški i Paŭła Barkoŭskaha — u suviazi ź piacihodździem padziej Revalucyi Hodnaści.
U meryi Varšavy padkreślili, što heta simvaličny žest padtrymki biełaruskaha narodu ŭ važny dla jaho dzień. Taksama pradstaŭnica meryi voźmie ŭdzieł u kanfierencyi «Novaja Biełaruś», jakaja budzie prymierkavanaja da hetaj daty.
Pavieł Łatuška vykazaŭ padziaku polskamu kiraŭnictvu i hramadstvu za padtrymku Biełarusi na praciahu piaci hadoŭ. Pavieł Barkoŭski adznačyŭ, što padśviatleńnie — heta śviedčańnie taho, što Varšava pamiataje pra biełaruskuju baraćbu i praciahvaje vykazvać salidarnaść.
Čytajcie taksama:
U Abjadnanym pierachodnym kabiniecie čakajucca novyja pryznačeńni. Nie tolki «ministr ekanomiki»