Ahient KDB, čyjo imia było na kanviercie dla Cichanoŭskaj, maje pašpart prykryćcia i kataŭsia za miažu

Na kanviercie z hrašyma, jaki možna pabačyć u prapahandysckim filmie ANT, napisanaje proźvišča z inicyjałami i proźviščam Aleha Miadźviedzia.

Fota: «Biełpoł»

Imia Aleha Uładzimiraviča Miadźviedzia naniesiena na Čornuju kartu Biełarusi. Pa stanie na 2020 hod jon byŭ supracoŭnikam hrupy «Alfa» KDB Biełarusi.

Jak paviedamili «Radyjo Svaboda» ŭ arhanizacyi byłych siłavikoŭ «Biełpoł», Aleh Uładzimiravič Miadźviedź akramia pašparta na svajo imia maje taksama pašpart prykryćcia na imia Nilina Aleha Uładzimiraviča.

Aleh Miadźviedź naradziŭsia 28 studzienia 1974 hoda. Viadoma, što jaho maci pracavała miedycynskaj siastroj u špitali KDB u Minsku. Pavodle źviestak «Biełpoła», dziejnaść Aleha Miadźviedzia źviazanaja z zamiežžam.

Jon maje dypłamatyčny pašpart, pa jakim šmat razoŭ jeździŭ za miažu — u Turcyju, Francyju, Łatviju, Vialikabrytaniju, Italiju, Čechiju, Niamieččynu, Aŭstryju, Iran.

Byłyja siłaviki taksama paviedamlajuć, što ŭ 2021 hodzie Aleh Miadźviedź vyjazdžaŭ u Polšču na aŭtamabili razam z supracoŭnikam centralnaha aparata KDB Juryjem Uładzimiravičam Kačanavym.

Jak vyśvietliła Reform.news, u 2018 hodzie Miadźviedź prymaŭ udzieł u 15-m pasiadžeńni narady kiraŭnikoŭ orhanaŭ biaśpieki i raźviedvalnych słužbaŭ dziaržaŭ — udzielnic SND u Sankt-Pieciarburhu.

Aleh Miadźviedź u Sankt-Pieciarburhu, 2018 h.

Aleh Miadźviedź u Sankt-Pieciarburhu, 2018 h.

Kamientary da artykuła