«Vyvieźli tolki da 6-j ranicy». Źjavilisia padrabiaznaści pra padzieńnie BPŁA ŭ Rečycy

Vydańniu «Fłahštok» udałosia daviedacca niekatoryja padrabiaznaści pra padzieńnie ŭ noč na 4 žniŭnia ŭ Rečycy nieviadomaha bieśpiłotnaha latalnaha aparata, praz što evakujavali žycharoŭ vulicy ŭ pryvatnym siektary. Aficyjnyja krynicy tak ničoha i nie paviedamili pra incydent.

Ilustracyjny zdymak

Incydent adbyŭsia padčas čarhovaj rasijskaj masiravanaj ataki na Ukrainu. Pa słovach adnaho ź vidavočcaŭ, jon bačyŭ BPŁA, jaki pralataŭ nad horadam, užo prykładna ŭ 22:20 uviečary 3 žniŭnia.

Nieŭzabavie paśla hetaha, kala 22:30 u rajonie padzieńnia drona adbyŭsia abryŭ linii elektrapieradač — miarkujecca, što pryčynaj hetaha mahło być toje, što pravady začapiŭ bieśpiłotnik.

Na miesca zdareńnia prybyli dźvie mašyny raźminiravańnia, aŭtamabil chutkaj dapamohi, pažarnaja mašyna, 4 milicejskija aŭto i niekalki cyvilnych.

«Kartež», jaki vyvoziŭ dron, vyjechaŭ tolki kala 6-j hadziny ranicy — jaho bačyli na vulicy Savieckaj. Kałona na nievialikaj chutkaści nakiroŭvałasia z rajcentra ŭ bok vioski Žmuraŭka.

Niekatoryja vidavočcy adznačajuć, što bieśpiłotnik, jaki ŭpaŭ u Rečycy, nie byŭ padobny da «šachieda».

Kamientary da artykuła