Tadžyk sprabavaŭ vylecieć ź Biełarusi pa pašparcie brata

2 žniŭnia dniom u Nacyjanalnym aeraporcie Minsk inšaziemiec pasprabavaŭ pierasiekčy biełaruskuju miažu z pašpartam svajho brata, paviedamlaje Dziaržaŭny pamiežny kamitet. 

Skrynšot ź videa

Mužčyna pakazaŭ pašpart hramadzianina Tadžykistana, ale pamiežniki zapadozryli niešta niadobraje. Padčas pravierki vyśvietliłasia, što dakumient naležyć nie jamu.

Jak akazałasia, zatrymany — taksama z Tadžykistana. Jon chacieŭ palacieć va Uźbiekistan, a adtul — dadomu, da baćkoŭ. Śćviardžaje, što zhubiŭ svoj pašpart, tamu vyrašyŭ uziać dakumient u brata, kab pierasiačy miažu.

Ciapier mužčyna zatrymany. Adnosna jaho raspačaty administracyjny praces za sprobu niezakonnaha pierasiačeńnia miažy. Mužčynu pahražaje bujny štraf — 100 bazavych vieličyń, a taksama kryminalnaja adkaznaść za vykarystańnie padroblenaha dakumienta.

Kamientary da artykuła