U Vialikabrytanii złavili pacuka pamieram z kata

U Vialikabrytanii, u pasiołku Normanbi (Paŭnočny Jorkšyr) śpiecyjalisty pa baraćbie sa škodnikami złavili hihanckaha šeraha pacuka, daŭžynia jakoha skłała kala 50 santymietraŭ — amal jak u siaredniaha kata. Heta moža stać rekordnym vypadkam dla krainy, paviedamlaje Daily Mail.

Hihanckaha pacuka znajšli ŭ padvale adnaho z damoŭ. Pavodle pradstaŭnika miascovaj hramadskaści Devida Tejłara, takija hryzuny sielacca pobač ź pierapoŭnienymi kantejnierami dla śmiećcia, asabliva kala zakusačnych i kramaŭ, jakija vykidvajuć reštki ježy.

Jon padkreśliŭ, što heta nie adzinkavy vypadak, i prablema z pacukami ŭ rajonach Estan i Vejł-Chił tolki raście. Jon zaklikaŭ ułady pryniać miery, pakolki škodniki — heta nie tolki niepryjemnaść, ale i krynica niebiaśpiečnych infiekcyj.

U inšych haradach Vialikabrytanii, takich jak Birminhiem, Saŭthiemptan, Dahienchem i Hłazha, prablema pacukoŭ taksama nabyła maštaby kryzisu. U niekatorych vypadkach dla zmahańnia z našeściem pryciahvali navat armiju. Pryčynami nazyvajucca strajki śmiećcievych słužbaŭ, nielehalnyja śmietniki i niedachop finansavańnia municypalitetaŭ.

Kamientary da artykuła