Ułady raskazali, što budzie rabicca na miescy zharełaj carkvy ŭ Ściapankach

U Žabinkaŭskim rajonie 24 lipienia zhareła draŭlanaja histaryčna kaštoŭnaja carkva, jakaja znachodziłasia ŭ ahraharadku Ściapanki. Budynak chrama byŭ całkam źniščany. Ciapier na miescy zdareńnia pracujuć śledčyja, tamu pakul što nijakija budaŭničyja abo adnaŭlenčyja raboty pravodzicca nie buduć, paviedamili ŭ Žabinkaŭskim rajvykankamie.

Toje, što zastałosia ad staražytnaha chrama. Fota: t.me/zhabinka_official

Paśla zaviaršeńnia pracy śledčych ułady płanujuć rasčyścić terytoryju i prybrać zavały. Paśla taho ŭ Ściapanki pryjedzie architektar, kab acanić techničny stan miascovaści i vyznačyć mahčymyja varyjanty dla budaŭnictva novaj carkvy.

Praca viadziecca ŭ ciesnym supracoŭnictvie z Bresckaj jeparchijaj, prychodam i dziaržaŭnymi orhanami. Nastupnym etapam budzie padrychtoŭka prajekta i kaštarysu. Finansavańnie płanujecca z roznych krynic: biudžetnych srodkaŭ, dapamohi jeparchii, arhanizacyj i inšych.

Dla viernikaŭ užo abstalavali časovaje miesca dla nabaženstvaŭ, jakoje pracuje pa zvyčajnym raskładzie. Z nadychodam chaładoŭ tam zabiaśpiečać naležnyja ŭmovy dla praviadzieńnia słužbaŭ.

Kamientary da artykuła