Tramp nakłaŭ 25% pošliny na Indyju
Prezident ZŠA Donald Tramp abviaściŭ pra ŭviadzieńnie z 1 žniŭnia 25-pracentnaj ekspartnaj pošliny ŭ dačynieńni da Indyi, a taksama «štrafu» za kuplu enierhanośbitaŭ i zbroi ŭ Rasii. Pra heta jon napisaŭ u sacsietcy Truth Social.
Donald Tramp. Fota: AP / Alex Brandon
«Indyja zaŭsiody kuplała pieravažnuju bolšaść svajoj vajskovaj techniki ŭ Rasii i źjaŭlajecca najbujniejšym kupcom enierhanośbitaŭ dla Rasii, razam z Kitajem, u toj čas jak usie chočuć, kab Rasija spyniła zabojstvy va Ukrainie — usio heta nie dobra», — zajaviŭ Donald Tramp, kamientujučy svajo rašeńnie.
ZŠA pryhrazili i Kitaju 100% pošlinami za zakupku rasijskaj nafty, ale Piekin admoviŭsia paddavacca cisku, zajaviŭšy pra svoj suvierenitet i enierhietyčnyja patreby.
29 lipienia Donald Tramp daŭ Rasii ŭsiaho 10 dzion, kab zaklučyć mir z Ukrainaj — inakš ZŠA, maŭlaŭ, uviaduć vialikija pošliny suprać RF i jaje partnioraŭ. Ekśpierty, adnak, sumniavajucca, što heta padziejničaje, bo Pucin ličyć vajnu «histaryčnaj misijaj», a Rasija zaležyć ad naftavych dachodaŭ. Uviadzieńnie novych sankcyj moža spravakavać hłabalnuju handlovuju vajnu i rost cen na naftu.
Čytajcie taksama:
Tramp: Rasija maje tolki 10 dzion, kab spynić vajnu suprać Ukrainy. Jany pačynajucca siońnia
Piaskoŭ: Rasija pryniała da viedama słovy Trampa, vajna praciahvajecca
Rejtynh Trampa ŭpaŭ da rekordnych 40 pracentaŭ
Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu