U Łahišynie ŭračysta aśviacili padorany Radasłavam Sikorskim arhan

Biskup Kazimir Vielikasielec 26 lipienia błahasłaviŭ arhan, ustalavany ŭ sanktuaryi Maci Božaj Karalevy Paleśsia ŭ Łahišynie Pinskaha rajona. Heta adbyłosia na śviatoj imšy ŭ prysutnaści pradstaŭnikoŭ miascovaj ułady, piša Katolik.life.

Paśla imšy ŭ kaściole prahučaŭ kancert u ramkach fiestyvalu Ars Magna Organi.

Parafija apublikavała fota i videa i nahadała, što hety sučasny arhan pieršapačatkova byŭ pabudavany dla sałona ŭ domie ministra zamiežnych spraŭ Polščy Radasłava Sikorskaha. U 2018 hodzie ministr padaryŭ instrumient dapamožnamu biskupu Pinskaj dyjacezii Kazimiru Vielikasielcu dla sanktuaryja ŭ Łahišynie.

Uvieś hety čas arhan lažaŭ u čakańni majstroŭ, a ŭstalavać i naładzić instrumient atrymałasia tolki ciapier.

Apublikavanaje videa nie daje ŭjaŭleńnia pra ŭsie mahčymaści arhana, ale ŭ parafii adznačyli, što hety nievialiki instrumient z ramantyčnaj dyspazicyjaj vydatna padychodzić dla pamiaškańnia łahišynskaha kaścioła.

Kamientary da artykuła