Erdahan zajaviŭ pra namier arhanizavać sustreču Pucina i Zialenskaha ŭ Stambule
Prezident Turcyi Redžep Taip Erdahan vykazaŭ žadańnie arhanizavać asabistuju sustreču pamiž prezidentam Ukrainy Uładzimiram Zialenskim i prezidentam Rasii Uładzimiram Pucinym u Stambule. Dla hetaha jon płanuje abmierkavać takuju mahčymaść z prezidentam ZŠA Donaldam Trampam.
Redžep Taip Erdahan. Fota: Paul Ellis Pool / Getty Images
25 lipienia kancylaryja Erdahana paviedamiła, što Turcyja hatovaja prykłaści namahańni, kab u najbližejšy čas sabrać abodvuch lidaraŭ za adnym stałom.
Raniej u toj ža dzień Erdahan paviedamiŭ, što raźličvaje pravieści pieramovy ź lidarami Rasii i ZŠA, kab abmierkavać šancy na mirnyja pieramovy pa vajnie va Ukrainie.
U svaju čarhu, Donald Tramp adznačyŭ, što takaja sustreča «abaviazkova adbudziecca», choć, na jaho dumku, jana ŭžo pavinna była adbycca kudy raniej.
Adnak u Kramli raniej zajavili, što z-za «surjoznych razychodžańniaŭ» pamiž Ukrainaj i Rasijaj sustreča pamiž Zialenskim i Pucinym u najbližejšy čas małavierahodnaja. Hetaja zajava prahučała paśla treciaha raŭndu pieramoŭ ukrainskaj i rasijskaj delehacyj, jaki prajšoŭ 23 lipienia ŭ Turcyi.
Čytajcie taksama:
Tramp zajaviŭ, što Pucin i Zialenski abaviazkova sustrenucca
Piaskoŭ: Sustreča Pucina i Zialenskaha da kanca leta małaimaviernaja
Stała viadoma, pra što siońnia havaryli ŭkraincy i rasijanie ŭ Stambule
Rasija i Ukraina zaviaršyli pieramovy ŭ Stambule. Jany išli kala 40 chvilin