Hiermanija nie pojdzie pa šlachu Francyi i nie pryznaje Paleścinu
Biaśpieka Izraila pry hetym «maje pieršaradnaje značeńnie» dla ŭrada.
Emanuel Makron i Frydrych Mierc. Fota: Christian Mang/Getty Images
Hiermanija ŭ najbližejšy čas nie pryznaje paleścinskuju dziaržavu, piša Bild.
Pres-sakratar urada Štefan Karnielijus zajaviŭ: «Urad pa-raniejšamu pierakanany, što tolki ŭzhodnienaje rašeńnie ab dźviuch dziaržavach moža prynieści tryvałym mir i biaśpieku dla izrailcian i paleścincaŭ. Pryznańnie paleścinskaj dziaržavy jon pa-raniejšamu razhladaje jak adzin z zaviaršalnych krokaŭ na šlachu da realizacyi rašeńnia ab dźviuch dziaržavach».
Biaśpieka Izraila pry hetym «maje pieršaradnaje značeńnie» dla ŭrada, padkreślivaje Karnielijus. I reziumuje:
«Takim čynam, fiederalny ŭrad nie płanuje ŭ bližejšy čas pryznavać paleścinskuju dziaržavu».
Pavodle słoŭ pres-sakratara, ciapier pryjarytety źniešniaj palityki FRH u hetym rehijonie — spynieńnie ahniu i ŭstalavańnie tryvałaha miru, vyzvaleńnie izrailskich zakładnikaŭ terarystami i razzbrajeńnie CHAMAS. Karnielijus taksama zaklikaŭ Izrail «nieadkładna i radykalna palepšyć katastrafičnuju humanitarnuju situacyju ŭ Hazie».
Tym nie mienš, kaža Karnielijus, Hiermanija praciahnie svaju dapamohu ŭ stvareńni ŭmovaŭ dla paleścinskaj dziaržaŭnaści, skazaŭ Karnielijus. Da hetaha adnosicca padtrymka Paleścinskaj aŭtanomii.
Čytajcie taksama:
Francyja vyrašyła pryznać Paleścinskuju dziaržavu. Izrail zajaviŭ, što heta «ŭznaharoda za teraryzm»