«Tarpieda-BiełAZ» vyjšła ŭ druhi raŭnd kvalifikacyi Lihi kanfierencyj

Siońnia ŭ matčy ŭ adkaz pieršaha raŭndu futbolnaha jeŭrakubka žodzincy pieramahli ŭ Paŭnočnaj Makiedonii «Rabotničkaŭ» — 1:0.

football.by

Tydzień tamu «Tarpieda-BiełAZ» razhramiła paŭnočnamakiedonski kłub ź likam 3:0.

U druhim raŭndzie «Tarpieda-BiełAZ» zhulaje z «Makabi» z Chajfy (Izrail). Matčy projduć 24 i 31 lipienia.

A 21-j pačniecca pajadynak «Nioman» — «Urartu» (Armienija), u pieršaj hulni hrodzienski kłub pieramoh 2:1. A 21:30 — «Dynama» Brest — «Sućjeska» (Čarnahoryja). U pieršym matčy bieraściejcy vyjhrali 2:1.

Biełaruskija kłuby chatnija pajadynki hulajuć u Vienhryi.

Taksama ŭ druhim raŭndzie kvalifikacyi Lihi kanfierencyj vystupić minskaje «Dynama», što vybyła ŭčora z kvalifikacyi Lihi čempijonaŭ. Jaho supiernikam budzie ałbanskaja «Ehnacija».

Kamientary da artykuła