Biełaruś damoviłasia pra biaźvizavy režym z Łaosam
Biełaruś i Łaos damovilisia pra biaźvizavy režym dla hramadzian, jakija majuć nacyjanalnyja pašparty. Pahadnieńnie było padpisana 17 lipienia padčas vizitu ministra zamiežnych spraŭ Biełarusi Maksima Ryžankova ŭ Łaos.
Fota: MZS Łaosa
Jak paviedamlaje MZS Łaosa, meta pahadnieńnia — zrabić padarožžy pamiž krainami praściejšymi i sadziejničać raźvićciu kantaktaŭ pamiž ludźmi.
Taksama abodva baki vykazali namier uzmacnić supracoŭnictva ŭ handli, inviestycyjach i turyźmie. Akramia taho, Maksim Ryžankoŭ i ministr zamiežnych spraŭ Łaosa Tchonhsavan Famvichan padkreślili važnaść bolš ciesnaha ŭzajemadziejańnia ŭ adukacyi, kultury, achovie zdaroŭja, enierhietycy, zdabyčy karysnych vykapniaŭ i inšych śfierach.
Sustreŭsia Maksim Ryžankoŭ i z prezidentam Łaosa Tchanhłunam Sisulitam. Jak paviedamlaje pres-słužba biełaruskaha MZS:
«Prezident Łaosa ź ciepłynioj uspomniŭ svaje papiarednija sustrečy z prezidentam Biełarusi Alaksandram Łukašenkam i pieradaŭ svajmu biełaruskamu kalehu najlepšyja pažadańni, nazvaŭšy Biełaruś adnym z najlepšych siabroŭ Łaosa».
Čytajcie taksama:
Žančyna zajmałasia seksam z budysckimi manachami, a paśla šantažavała ich
Kudy niebiaśpiečna jechać biełarusam, jakich na radzimie pieraśledujuć za palityku KARTY
Šeść azijackich krain mohuć uvieści adzinuju vizu dla turystaŭ