Złavili tajamničuju žyviołu, što pałochała žycharoŭ Pryłukaŭ i Sienicy pad Minskam
A voś chto heta — sapraŭdnaja zahadka.
Na praciahu niekalkich dzion słužba adłovu, a taksama milicyja šukali to vaŭka, to sabaku. Supracoŭnikam Minskaha RAUS urešcie ŭdałosia znajści žyviołu. Pra heta raspaviali ŭ Minskim rajvykankamie 17 lipienia, piša hazieta «Prystaličča».
U rajvykankamie taksama adznačyli, što pa ŭsich prykmietach heta toj źvier, jakoha bačyli ŭ Sienicy i Pryłukach. Žyvioła abiasškodžanaja.
Chto pałochaŭ žycharoŭ ahraharadkoŭ apošnija dni: voŭk ci sabaka — zaraz skazać składana. Dla hetaha buduć pravodzić ekśpiertyzu, kab dakładna vyznačyć vid.
Taksama žyviołu buduć daśledavać vieterynary, kab zrazumieć pryčynu jaje pavodzinaŭ.