Kiraŭnik Lidy zaklikaŭ siłavikoŭ nie spyniać palityčnych represij
Staršynia Lidskaha rajvykankama Alaksandr Viarsocki braŭ udzieł u pašyranaj naradzie miascovaha RAUS, na jakim padvodzilisia vyniki pracy za apošniaje paŭhodździe. Jak adznačajecca ŭ nadrukavanym u miascovaj dziaržaŭnaj haziecie repartažy, jon u svajoj pramovie «adznačyŭ plonnuju sumiesnuju pracu pa vyrašeńni aktualnych pytańniaŭ» i nahavaryŭ milicyi šmat kamplimientaŭ.
Alaksandr Viarsocki
«Naš hramadski paradak, dyscyplina, jakaja na siońniašni dzień isnuje ŭ hramadstvie, — heta taksama vaša zasłuha. Dziakuj Vam za plonnuju pracu ŭ 2020 hodzie.
Jość taki deviz: «Nie zabudziem, nie darujem». My nie možam daravać tym ludziam, jakija chacieli tady našu krainu pierakulić. Praca pravaachoŭnych orhanaŭ u hetym kirunku idzie płanamierna pa hety dzień — nie spyniajciesia!
Vytrymajem — zachavajem mirnaje nieba nad hałavoj. Nie damo siłam zvonku sparadzić ŭnutry našaha hramadstva niehatyŭnyja situacyi», — zajaviŭ viertykalščyk.
Praŭda, u spravazdačy ab dziejnaści miascovaj milicyi za paŭhodździe punkt pra vyjaŭleńnie palityčnych «złačynstvaŭ» ci to nie prysutničaŭ uvohule, ci to byŭ abyjdzieny ŭvahaj aŭtarami repartažu.
Čytajcie taksama:
«My pracujem, kab vyzvaleńni stali sistemnymi, a nie sparadyčnymi». Viačorka adkazaŭ Kraŭcovu