Čałaviek ź Biełarusi ź leśvicaj pieralez cieraz aharodžu na miažy i paprasiŭ prytułku ŭ Litvie

Ministr unutranych spraŭ Litvy Uładzisłaŭ Kandratovič u intervju LRT raspavioŭ ab roźnicy padychodaŭ da hramadzian Biełarusi i Rasii, jakija šukajuć abarony ŭ Litvie.

Uładzisłaŭ Kandratovič. Skrynšot videa

Ministr unutranych spraŭ Litvy Uładzisłaŭ Kandratovič raskazaŭ, što niadaŭna čałaviek ź Biełarusi pieralez praz płot na miažy, kab paprasić abarony.

Vydvareńnia jaho ŭ Biełaruś nie pravodzili.

«Na hetym tydni adzin čałaviek ź Biełarusi pieralez praz płot ź leśvicaj i paprasiŭ humanitarnaj dapamohi, ukazaŭšy kankretnyja fakty. Jon zaraz u centry dla ŭciekačoŭ, i ź im pracujuć pa pracedury», — skazaŭ Kandratovič.

Uspomniŭ ministr i inšy vypadak. Pavodle jaho słoŭ, rasijanin sprabavaŭ pierasiačy rasijska-litoŭskuju miažu pa race, kab uchilicca ad armii.

Ministr adznačyŭ, što takija sproby — heta nie adzinkavyja vypadki. Kandratovič raskazaŭ, što rasijan litoŭskija ŭłady adpraŭlajuć nazad u Rasiju.

Kamientary da artykuła