Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

U pačatku maja Raman Pratasievič chvaliŭsia, što pajšoŭ na kursy barmienaŭ. Ciapier jon znajšoŭ pracu i pachvaliŭsia hetym u ankiecie dla znajomstvaŭ.

Ankieta Ramana Pratasieviča ŭ prahramie Boo

Błohier Raman Pratasievič skončyŭ kursy barmienaŭ i ŭładkavaŭsia na pracu ŭ bar.

Miarkujučy pa jahonaj ankiecie ŭ čacie znajomstvaŭ u prahramie Boo, jon pracuje ŭ bary «Butlehier», jaki znachodzicca ŭ centry Minska, na skryžavańni vulic Kamsamolskaja i Internacyjanalnaja, 16.

@belarusnovosti2 Roman Protasievič snova svobodien #łukašienko #biełaruś #novostibiełaruś #biełaruśnovosti #novostibiełarusi #minsk #minsksiejčas #biełorusy ♬ orihinalnyj zvuk - belarusnovosti2

Histaryčny budynak pa Internacyjanalnaj, 16, dzie možna znajści «Butlehier», viadomy jak Dom Liŭšyca. Heta madernovaje błakitnaje trochpaviarchovie zbudavańnie, jakoje paŭstała ŭ 1890 hodzie.

Dom Liŭšyca. Fota: Aksana Kirsanava — CC BY-SA 3.0, commons.wikimedia.org

«Butlehier» maje ŭ vodhukach na «Jandeksie» najvyšejšy rejtynh: 5,0. «Heta bar zakrytaha typu, dzie vielmi smačnyja kaktejli i niezvyčajny anturaž. Adnoŭlena atmaśfiera Amieryki 30-ch hadoŭ», — piša naviedvalnica. Inšyja adznačajuć, što znajści ŭstanovu nie tak prosta, uvachod znachodzicca ŭ kramie kvietak, i bar nijak nie vydaje siabie.

Što da Pratasieviča, to pra siabie jon piša, što kuryć, trochu vypivaje, u boha nie vieryć i nie hiej. Siarod movaŭ, jakimi vałodaje, nazyvaje ruskuju, anhlijskuju i polskuju:

«Barmen i kotkabaćka. Mahu raskazać proćmu cikavych historyj pra ŭsio na śviecie. Umieju słuchać i padtrymlivać. Lublu ciažkuju muzyku, kavu, tatuiroŭki i pryhody», — skazana ŭ ankiecie.

Cikava, što jašče ŭ červieni ŭ intervju «Sputniku» Pratasievič na pytańni pra žonku nie kazaŭ, što jany razyšlisia, naadvarot — dzialiŭsia, što ŭ siamji hatuje jon i jany aboje nie lubiać supy.

Kamientary da artykuła