«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj

Napiaredadni 3 lipienia ŭ Baranavičach adbyłasia ŭračystaja cyrymonija adkryćcia manumienta ŭ honar prysvajeńnia hanarovaha zvańnia SND «Horad pracoŭnaj słavy 1941—1945 hadoŭ», źviarnuli ŭvahu ŭ telehram-kanale Biełaruskaha instytuta publičnaj historyi. Ale, jak viadoma, Baranavičy padčas vajny byli akupavanyja i vyzvalenyja tolki ŭ 1944-m. Adkul takaja dziŭnaja nazva? 

Aficyjnyja kamientary davoli błytanyja. Paviedamlajecca, što «heta danina pakaleńniu pieramožcaŭ, pakaleńniu pracaŭnikoŭ, jakija ŭ najkaraciejšyja terminy adnavili horad z popiełu i ruin». Ale navošta tady spatrebiłasia dziŭnaja pryviazka da 1941—1945 hadoŭ?

Razhadka, vidać, u nastupnym. Hod tamu na samicie SND prezident Rasii Uładzimir Pucin prapanavaŭ zasnavać zvańnie «Horad pracoŭnaj słavy»: «Heta stanie simvałam pryznańnia i pavahi… usich tych, chto pracavaŭ u tyle».

Viadoma, što novaje zvańnie SND prysvojena takim tyłavym haradam, jak Astana, Ałmaty, Karahanda. Adnak u śpis čamuści trapili i Baranavičy. Tak i ŭźnik manumient ź dziŭnaj nazvaj i błytanymi tłumačeńniami ŭładaŭ.

Kamientary da artykuła