Z Polščy departujuć biełarusa, jakoha zatrymali ŭ parku z marychuanaj

U Varšavie palicyja zatrymała dvuch hramadzian Biełarusi, adzin ź jakich ciapier budzie departavany z Polščy, piša vydańnie Most.

Zatrymany hramadzianin Biełarusi. Fota: mokotow.policja.gov.pl

Incydent adbyŭsia ŭ haradskim parku, dzie patrulnyja źviarnuli ŭvahu na padazronyja pavodziny dvuch mužčyn. Ubačyŭšy palicejskich, jany pasprabavali vykinuć niejki pakunačak, u jakim, jak vyśvietliłasia, była marychuana.

Mužčyny pryznali, što narkotyki naležali im. Ich zatrymali, a rečyva kanfiskavali.

Adzin z zatrymanych — 29-hadovy biełarus — akazaŭsia ŭ Polščy nielehalna. Jamu vystavili abvinavačańnie ŭ zachoŭvańni psichaaktyŭnych rečyvaŭ (što moža paciahnuć da troch hadoŭ pazbaŭleńnia voli) i pačali praceduru departacyi.

Druhoha biełarusa adpuścili paśla dopytu, ale śledstva pa jahonaj spravie praciahvajecca.

Kamientary da artykuła