Niekatorych biełarusaŭ z 1 žniŭnia vydalać z ARIP
Z 1 žniŭnia 2025 hoda niekatoryja biełarusy mohuć stracić dostup da asabistaha kabinieta ŭ sistemie ARIP. Usio zaležyć ad adnaho važnaha dziejańnia — pastaŭlenaj ptušački, piša Telegraf.news.
Fota ilustracyjnaje
Kab praciahvać karystacca asabistym kabinietam u ARIP, treba pahadzicca na apracoŭku piersanalnych danych. Raniej takoje pahadnieńnie zaklučałasia na 5 hadoŭ, ale z 1 kastryčnika 2024 hoda praviły źmianilisia, i ciapier zhoda dziejničaje tolki 3 hady. Tamu ŭsim karystalnikam treba było abnavić heta pahadnieńnie, pastaviŭšy ptušačku ŭ adpaviednym miescy ŭ asabistym kabiniecie.
Tych, chto hetaha nie zrabiŭ (zabyŭsia ci praihnaravaŭ paviedamleńnie), 1 žniŭnia 2025 hoda pazbaviać dostupu da asabistaha kabinieta. U samoj sistemie ARIP pry hetym pa-raniejšamu možna budzie apłačvać pasłuhi — ale tolki biez vykarystańnia asabistaha kabinieta.
ARIP zahadzia papiaredžvaŭ pra heta vosieńniu 2024 hoda, a taksama abiacaŭ dadatkova paviedamić pra źmieny praz elektronnuju poštu.
Kab nie zhubić dostup, dastatkova da 31 lipienia zajści ŭ asabisty kabiniet i pastavić hałačku, paćviardžajučy zhodu na apracoŭku danych pa novych praviłach.
Čytajcie taksama:
Z 1 lipienia ŭsie sacyjalnyja vypłaty pieraličvajuć tolki na bazavy rachunak
U Minsku źjavilisia «čystamaty». Što heta takoje i jak jany pracujuć?