Alaksandr Hleb nie vykazvaje publičnaj niazhody z Łukašenkam, bo heta moža paciahnuć nastupstvy dla jaho siamji
Voś jakija arhumienty pryvodziŭ advakat futbalista palakam, kab jany źniali ź jaho sankcyi.
Alaksandr Hleb. Fota: BiełTA
U rašeńni Ministerstva ŭnutranych spraŭ i administracyi Polščy ab admovie byłomu futbalistu zbornaj Biełarusi Alaksandru Hlebu ŭ vyklučeńni jaho z nacyjanalnaha sankcyjnaha śpisu pryvodziacca asobnyja cytaty ź lista advakata Macieja Bałažynskaha, jaki pradstaŭlaje spartsmiena.
Advakat adznačaje, što «dziejnaść, jakuju viadzie Zajaŭnik, nie nosić palityčnaha charaktaru» i tłumačyć:
«U suviazi z kalaspartyŭnym charaktaram hetaj dziejnaści Alaksandr Hleb imkniecca zachoŭvać palityčny niejtralitet. Z ulikam situacyi i palityčnaha režymu ŭ Biełarusi jon nie vykazvaje publična svajho niepryjaznaha staŭleńnia da ŭłady Alaksandra Łukašenki, bo heta mahło b mieć pramyja nastupstvy dla asabistaha i prafiesijnaha žyćcia jaho i jaho siamji».
Adnak, jak padkreślivaje advakat, «Hleb nie źjaŭlajecca prychilnikam rasijskaj ahresii suprać Ukrainy i nie padtrymlivaje vajenny kanflikt va Ukrainie, u tym liku padtrymku, jakuju akazvaje Rasii Biełaruś. Jon vykazvaje nadzieju na jak maha chutčejšaje zaviaršeńnie dadzienaha kanfliktu».
Bałažynski davodzić, što «znachodžańnie Hleba na terytoryi Polščy i ŭ šenhienskaj zonie nie ŭjaŭlaje pahrozy dla biaśpieki i mižnarodnaj pazicyi jak Polščy, tak i Jeŭrasajuza ŭ cełym».
Čytajcie taksama:
Alaksandr Hleb paprasiŭ vyklučyć jaho z sankcyjnaha śpisu Polščy i atrymaŭ adkaz
Alaksandr Hleb pryjechaŭ z prałukašenkaŭskim «Marafonam adzinstva» ŭ Mazyr