Pad Minskam niekiravany kart prataraniŭ honščyka na chutkaści 90 km/h
Padčas adboračnych zajezdaŭ «Kubka Sadružnaści» pa kartynhu, jaki prachodzić u Stajkach pad Minskam, adbyłasia surjoznaja avaryja. Na trasu raptam vyjechaŭ kart bieź piłota, u vyniku čaho adzin z udzielnikaŭ — majstar sportu z Bresta Barys Ivanoŭ — atrymaŭ traŭmu i byŭ špitalizavany, piša «Anłajnier».
Na adnym z pavarotaŭ udzielnik spabornictvaŭ vylecieŭ z trasy i pačaŭ zavodzić svoj kart, adnak technika zaviałasia chutčej, čym spartsmien paśpieŭ u jaje zaskočyć. Kart samastojna pajechaŭ pa trasie ŭ chaatyčnym kirunku i ŭrezaŭsia ŭ inšy kart pad kiravańniem Barysa Ivanova, jaki ŭ toj momant ruchaŭsia na vysokaj chutkaści (prykładna 80-90 km/h).
Pieršapačatkova ŭ spartsmiena padazravali pierałom ruki, ale dyjahnaz nie paćvierdziŭsia.
Niahledziačy na zdareńnie, Barys zachoŭvaje pazityŭny nastroj i navat žartuje, prosiačy «sabrać novy kart da zaŭtrašniaha dnia». Tym nie mienš, spartsmien zajaviŭ pra paŭzu ŭ karjery.