Tramp skazaŭ Zialenskamu, što choča dapamahčy Ukrainie z supraćpavietranaj abaronaj
Prezident ZŠA skazaŭ, što źbirajecca pravieryć, pastaŭki jakoj zbroi Ukrainie prypynili.
Donald Tramp. Fota: Chip Somodevilla / Getty Images
Prezident ZŠA Donald Tramp padčas telefonnaj razmovy z prezidentam Ukrainy Uładzimiram Zialenskim zajaviŭ, što ZŠA chočuć dapamahčy Ukrainie z SPA ŭ suviazi z rostam kolkaści rasijskich atak.
Pra heta paviedamili ŭkrainski čynoŭnik i krynica, znajomaja z detalami razmovy, paviedamlaje Axios.
Razmova pamiž Trampam i Zialenskim ciahnułasia kala 40 chvilin. Hałoŭnaja ŭvaha była nadadziena patrebam Ukrainy ŭ supraćpavietranaj abaronie.
Adna z krynic adznačyła, što Tramp viedaje pra niadaŭniuju eskałacyju z boku Rasii, u tym liku pavietranyja ŭdary pa ŭkrainskich haradach i na linii frontu.
«Tramp skazaŭ, što choča dapamahčy z SPA i pravieryć, što było prypyniena, kali niešta sapraŭdy było prypyniena», — paviedamiła krynica.
Pavodle ŭkrainskaha čynoŭnika, Zialenski i Tramp damovilisia, što kamandy ZŠA i Ukrainy nieŭzabavie praviaduć sustreču dla abmierkavańnia pytańniaŭ SPA i inšych pastavak uzbrajeńnia.
Tramp pakul nie prakamientavaŭ razmovu ź Zialenskim. Napiaredadni prezident ZŠA pahutaryŭ z Uładzimiram Pucinym i zastaŭsia rasčaravany: Tramp pryjšoŭ da vysnovy, što Pucin nie choča spyniacca.
Čytajcie taksama:
Zialenski pahavaryŭ z Trampam pa telefonie. Abmierkavali pastaŭki zienitnych rakiet
Tramp zajaviŭ, što padčas čarhovaj razmovy z Pucinym nie dabiŭsia nijakaha prahresu pa Ukrainie
Zialenski i Tramp źbirajucca abmierkavać pastaŭki amierykanskaj zbroi va Ukrainu