Čały daścipna pažartavaŭ nakont vykazvańnia Pucina pra bot rasijskaha sałdata

20 červienia, vystupajučy na Pieciarburhskim mižnarodnym ekanamičnym forumie, prezident Rasii Uładzimir Pucin skazaŭ, što «tam, dzie stupaje naha ruskaha sałdata, heta naša». Biełaruski analityk Siarhiej Čały u svajoj prahramie na jutubie žartoŭna abyhraŭ heta vykazvańnie, źviazaŭšy jaho ź jašče adnoj niadaŭniaj navinoj.

Siarhiej Čały

«Heta najlepšaja rekłama supraćpiachotnych min, jakuju mnie ŭdavałasia čuć u svaim žyćci», — zajaviŭ Čały.

Pierad hetym stała viadoma, što piać krain Uschodniaj Jeŭropy, što miažujuć z Rasijaj i Biełaruśsiu, vychodziać z Ataŭskaj kanviencyi, jakaja zabaraniaje supraćpiachotnyja miny. Takim čynam jany chočuć mieć mahčymaść vykarystać hetyja miny dla ŭmacavańnia svajoj abarony na ŭschodniaj miažy NATA — ad Łapłandyi ŭ Finlandyi da Lublinskaha vajavodstva ŭ Polščy.

Kamientary da artykuła