Rasijskija anłajn-karty z hoda ŭ hod adbivajuć biełaruskuju aŭdytoryju ŭ Google
Google u lidarach na rynku kartahrafičnych servisaŭ u Biełarusi, ale stabilna hublaje aŭdytoryju — karystalnikaŭ advajoŭvaje «Jandeks». Pra heta havorycca ŭ daśledavańni RocketData, piša Devby.io.
Za apošnija try hady papularnaść anłajn-kartaŭ Google źniziłasia na 12 pracentnych punktaŭ — z 81% da 69%. «Jandeks», naadvarot, prykładna stolki ž dadaŭ i zaraz zajmaje 29% rynku. Jašče 2% naležyć rasijskaj sistemie 2HIS, jakaja zapracavała ŭ Biełarusi ŭ kancy 2021 hoda.
Vysokaja dola Google na biełaruskim rynku tłumačycca tym, što jana pryjšła siudy raniej za astatnich. Analityki adznačajuć, što kampanii, jakija ihnarujuć Google, stračvajuć da 70% internet-karystalnikaŭ ź Biełarusi, a kali adsutničajuć u «Jandeksie», to hublajuć tracinu biełaruskich karystalnikaŭ.
Rost «Jandeksa» zabiaśpiečvajuć inšyja servisy ekasistemy: pošuk, hałasavy pamočnik, taksi, dastaŭka i inšyja. Na dumku analitykaŭ, užo da kanca hoda jon moža stać paŭnavartasnym kankurentam Google. 2HIS lubiać rasijskija turysty, a heta — 97% zamiežnych padarožnikaŭ, skazana ŭ dakładzie.
Čytajcie taksama:
U Hrodnie ŭłady ŭzialisia za niesankcyjanavanuju rekłamu — baniery na aharodžach daviałosia pazdymać
U Biełarusi źjavicca jašče adzin ahrehatar taksi
«Zakazaŭ bolš, čym mašyn na linii». Kiraŭnik «A1 taksi» — pra ceny i biełaruskuju movu ŭ dadatku