Biełarus, jaki žorstka źbiŭ małoha chłopčyka ŭ «Šaramiećcieva», pierad napadam užyŭ hašyš i vypiŭ try plaški viski
Nieadekvatny biełarus, jaki kinuŭ dvuchhadovaje dzicia z vyšyni svajho rostu ŭ maskoŭskim aeraporcie «Šaramiećcieva», pierad napadam užyŭ viski i ŭ zonie vydačy bahažu — kančatkova straciŭ suviaź z realnaściu i pakalečyŭ małoha, piša Mash.
Pa infarmacyi Mash, 31-hadovy biełarus Uładzimir Vicikaŭ pracavaŭ u Kairy miesiac — mantavaŭ mietaličnyja kanstrukcyi na abjekcie.
Pa zakančeńni prajekta jon palacieŭ dadomu — da žonki i dvuch maleńkich dziaciej.
Pierad učynkam pačastavaŭsia hašyšam z kairskaha rynku i zapiŭ jaho tryma plaškami viski ŭ aeraporcie.
Navošta napaŭ na małoha — rastłumačyć nie moža. Na dopycie jon usio jašče byŭ niećviarozy. Sa słoŭ biełarusa, na radzimie jon byŭ sudzimy za abarot narkotykaŭ.
Chłopčyk pa-raniejšamu ŭ ciažkim stanie. Padmaskoŭny Śledčy kamitet chadajničaje ŭ sudzie ab aryšcie mužčyny.
Čytajcie taksama:
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie
Biełarus, što žorstka ŭdaryŭ paŭtarahadovaha chłopčyka ŭ maskoŭskim aeraporcie, byŭ pad narkotykami