U Biełarusi źjavicca novy karotki numar — 133

U Biełarusi chutka źjavicca kruhłasutačnaja haračaja linija ekstrannaj psichałahičnaj dapamohi. Jaje adkryjuć na bazie Respublikanskaha navukova-praktyčnaha centra psichičnaha zdaroŭja, paviedamiła namieśnica dyrektara centra pa ideałahičnaj rabocie Natalla Hromava.

Pa słovach Natalli Hromavaj, linija dapamohi budzie stvorana dla ludziej, jakija apynulisia ŭ składanaj žyćciovaj situacyi i majuć patrebu ŭ terminovaj psichałahičnaj padtrymcy.

Źviazacca ź psichołaham možna budzie pa karotkim numary 133. Jon budzie virtualny — zvanok budzie aŭtamatyčna pieranakiroŭvacca ŭ adpaviedny rehijon u zaležnaści ad miesca, adkul telefanuje čałaviek.

Zvanki buduć biaspłatnymi jak z mabilnych, tak i sa stacyjanarnych telefonaŭ. Linija budzie pracavać kruhłasutačna, a dapamahać ludziam stanuć kvalifikavanyja śpiecyjalisty sa śfiery achovy zdaroŭja.

Kamientary da artykuła