Vienhryja i Słavakija zabłakavali novy pakiet sankcyj ES suprać Biełarusi i Rasii

23 červienia 2025 hoda Vienhryja i Słavakija zabłakiravali pryniaćcie novaha, 18-ha pakieta sankcyj Jeŭrasajuza suprać Biełarusi i Rasii. Jak paviedamiŭ ministr zamiežnych spraŭ Vienhryi Pieter Sijarta, heta adbyłosia padčas sustrečy kiraŭnikoŭ źniešniepalityčnych viedamstvaŭ krain ES.

Pieter Sijarta. Fota: BiełTA

Sijarta adznačyŭ, što Vienhryja nie zhodnaja finansavać vajnu va Ukrainie, tamu nie padtrymlivaje novyja pastaŭki zbroi ci inšaje vajennaje ŭmiašańnie. Jon taksama padkreśliŭ, što prapanavanyja sankcyi ŭ pieršuju čarhu nakiravanyja na enierhietyčnuju śfieru i mohuć pryvieści da rostu cen na kamunalnyja pasłuhi.

Adnym z klučavych momantaŭ pakieta źjaŭlajecca mahčymaja poŭnaja zabarona na finansavyja apieracyi ź biełaruskimi bankami, što raniej tyčyłasia tolki sistemy SWIFT. Taksama ŭ sankcyjny śpis uklučanyja čatyry biełaruskija abaronnyja pradpryjemstvy, jakim mohuć zabaranić vieści biznes u ES i zamarozić ich aktyvy. Upieršyniu pad zabaronu moža trapić i impart zbroi ź Biełarusi ŭ Jeŭropu.

Akramia taho, u miežach sankcyj ES moža źnizić miažu cenaŭ na rasijskuju naftu (z $60 da $45 za barel), kab abmiežavać dachody Maskvy. Taksama prapanujecca zabarona na apieracyi z hazapravodam «Paŭnočny patok» i finansavymi strukturami, jakija abychodziać sankcyi.

Kamientary da artykuła