Cichanoŭskaja pra vyzvaleńnie muža: Zdaryłasia toje, pra što naša siamja maryła hetyja 5 hadoŭ
Błohier Siarhiej Cichanoŭski byŭ vyzvaleny 21 červienia ŭ vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełoha. Były palitviazień vyjechaŭ ź Biełarusi i ciapier u Vilni.
Śviatłana Cichanoŭskaja z mužam. Fota: Ofis Cichanoŭskaj
«Siarhiej na voli. Pobač sa mnoj i dziećmi. Zdaryłasia toje, pra što naša siamja maryła hetyja 5 hadoŭ i dziela čaho my ŭsie pracavali, z momantu jaho zatrymańnia. Vyzvaleńnie Siarhieja — heta krok da vyzvaleńnia ŭsich palitviaźniaŭ i ŭsioj Biełarusi. Dziakujem usim za kałasalnuju padtrymku», — napisała Śviatłana Cichanoŭskaja ŭ telehram-kanale.