Ціханоўская пра вызваленне мужа: Здарылася тое, пра што наша сям'я марыла гэтыя 5 гадоў
Блогер Сяргей Ціханоўскі быў вызвалены 21 чэрвеня ў выніку візіту ў Мінск спецпрадстаўніка прэзідэнта ЗША Дональда Трампа Кіта Келога. Былы палітвязень выехаў з Беларусі і цяпер у Вільні.
Святлана Ціханоўская з мужам. Фота: Офіс Ціханоўскай
«Сяргей на волі. Побач са мной і дзецьмі. Здарылася тое, пра што наша сям'я марыла гэтыя 5 гадоў і дзеля чаго мы ўсе працавалі, з моманту яго затрымання. Вызваленне Сяргея — гэта крок да вызвалення ўсіх палітвязняў і ўсёй Беларусі. Дзякуем усім за каласальную падтрымку», — напісала Святлана Ціханоўская ў тэлеграм-канале.