U Minsku chočuć kinuć studentaŭ na skošvańnie travy

Minskija ŭłady abmierkavali prablemu zarastańnia stalicy travoj i vykazali ideju pryciahvać da jaje skošvańnia studenckija atrady, piša ahienctva «Minsk-naviny».

Fota ilustracyjnaje

Na pasiadžeńni pracoŭnaj hrupy ŭ Minharvykankamie abmierkavali, čamu trava ŭ horadzie vyrasła da 80 sm, choć jaje pavinny kasić, kali jana dasiahaje 10—15 sm, ale nie radziej jak raz na miesiac.

Pryčynami nazvali niedachop pracoŭnaj siły, prablemy z technikaj i nizkuju apłatu pracy — mnohija kascy pracujuć tolki pa čatyry hadziny na dzień, bo heta ich padpracoŭka.

Namieśnica hiendyrektara abjadnańnia «Minskaje haradskaja žyllovaja haspadarka» Anastasija Varabjova adznačyła, što nieabchodny hnutki padychod da hrafikaŭ, kab svoječasova reahavać na situacyju.

Namieśnik staršyni Minharvykankama Aleh Korzun prapanavaŭ dałučać da pracy studenckija atrady. Jon padkreśliŭ, što hałoŭnaje — efiektyŭnaść pracy, a nie toje, asnoŭnaja heta praca dla čałavieka ci nie.

Kamientary da artykuła