Padčas vizitu Pucina ŭ Sankt-Pieciarburh tam adklučyli internet
U Sankt-Pieciarburhu padčas praviadzieńnia Pieciarburhskaha mižnarodnaha ekanamičnaha forumu (PMEF), na jakim vystupaŭ Uładzimir Pucin, byŭ adklučany mabilny internet. U Kramli patłumačyli heta mieraj dla zabieśpiačeńnia «maksimalnaj biaśpieki hramadzian».
Uładzimir Pucin. Fota: Contributor/Getty Images
Pres-sakratar Pucina Dźmitryj Piaskoŭ zajaviŭ, što pahrozu dla žyćcia ludziej ujaŭlaje, pavodle jaho słoŭ, Ukraina, jakaja «puskaje pad adchon» ciahniki ź mirnymi žycharami. Tamu kali treba adklučyć suviaź dziela biaśpieki, to jaje adklučajuć, adznačyŭ jon.
Žychary Pieciarburha i Leninhradskaj vobłaści paviedamili, što mabilny internet źnik jašče ŭviečary 17 červienia, napiaredadni forumu. Heta vyklikała ciažkaści z vyklikam taksi, karystańniem bankaŭskimi i inšymi servisami.
Pavodle acenki kiraŭnika «Tavarystva abarony internetu» Michaiła Klimarava, adna hadzina biez mabilnaha internetu nanosić ekanomicy rehijona straty prykładna na 78 miljonaŭ rasijskich rubloŭ.
Čytajcie taksama:
Ministr sportu choča ŭklučyć biełaruskija futbolnyja kłuby ŭ rasijski čempijanat