Na elektrobusach MAZ pačnuć stavić ałkazamki. Što heta takoje?
Na elektrobusach MAZ pačnuć stavić śpiecyjalnyja pryłady — ałkazamki. Jany nie dazvolać zavieści mašynu, kali ŭ pavietry, jakoje vydychaje kiroŭca, buduć utrymlivacca pary ałkaholu, piša «Smartpres».
Hetyja sistemy raspracoŭvaje adna z kampanij — rezidentaŭ Technaparka BDUIR. Jana ŭžo maje dośvied u stvareńni ałkatestaŭ, jakija pracujuć bolš čym na 500 biełaruskich pradpryjemstvach. Takija pryłady intehravanyja ź sistemami kantrolu dostupu i ŭliku pracoŭnaha času na zavodach.
Padmanuć sistemu amal niemahčyma: kožny supracoŭnik prachodzić pravierku samastojna — jaho identyfikujuć pa propusku ci praź sistemu raspaznavańnia tvaru, i adrazu fiksujecca fota. Usie danyja adrazu adpraŭlajucca na siervier, i kali čałaviek niećviarozy, jaho prosta nie dapuściać da pracy.
Ciapier kampanija raspracavała ałkazamok — pryładu, jakaja stavicca ŭ transpart.
Mašynu nielha zavieści, pakul kiroŭca nie projdzie pravierku na ałkahol. Kali test paćviardžaje, što čałaviek ćviarozy, ałkazamok dazvalaje zapuścić ruchavik. Usie danyja (u tym liku fota i vynik testu) mohuć adpraŭlacca na siervier ci, naprykład, u Telegram.
Pieršym, chto pačnie vykarystoŭvać takuju sistemu, stanie Minski aŭtazavod — ałkazamki buduć ustaloŭvacca na elektrobusach MAZ.
Čytajcie taksama:
Ci možna pić biezałkaholnaje piva štodzień i kolki
Ci možna pić kvas i biezałkaholnaje piva za rulom? U Hrodnie praviali ekśpierymient
U Akciabrskim rajonie pjanaha kiroŭcu zatrymlivali sa stralaninaj
U Mahilovie złavili pjanaha maršrutčyka, jaki vioz pasažyraŭ