Urad biare pad uzmocnieny kantrol ceny na miasa, małako i kandytarskija vyraby

Z 20 červienia ŭ Biełarusi ŭvodzicca ŭzmocnieny kantrol za cenami na miasamałočnuju pradukcyju i kandytarskija vyraby. Adpaviednaje rašeńnie pryniaŭ Saviet ministraŭ «u metach niedapuščeńnia śpiekulatyŭnaha i nieabhruntavanaha rostu cen».

Fota ilustracyjnaje

Ciapier rost cen na bolš čym 0,3% u miesiac patrabuje abhruntavańnia pierad Kamisijaj pa pytańniach dziaržaŭnaha rehulavańnia cenaŭtvareńnia pry Saŭminie.

Abhruntoŭvać nieabchodna budzie rost nie tolki cenaŭ u kramach, ale i syraviny: małaka, śviniej, bujnoj rahataj žyvioły. Pad nahladam urada apyniecca, takim čynam, uvieś łancužok — ad fiermiera da kramy.

U roźničnym handli praciahvajuć dziejničać maksimalnyja handlovyja nadbaŭki, jakija taksama nie mohuć pieravyšacca biez dazvołu.

Pierad hetym, u krasaviku, urad dazvoliŭ vytvorcam samastojna pavyšać adpusknyja ceny. Niekatoryja vytvorcy z hetaha paśpieli skarystacca, kab palepšyć svajo finansavaje stanovišča. Adnak ciapier urad imkniecca nie dapuścić, kab ceny raśli zanadta chutka abo «biespadstaŭna» — asabliva na pradukty štodzionnaha popytu.

Kamientary da artykuła