U Biešankovičach mužčynu abvinavačvajuć u demanstracyi nacysckaj simvoliki
Śledčy kamitet Viciebskaj vobłaści zaviaršyŭ rasśledavańnie kryminalnaj spravy ŭ dačynieńni da 36-hadovaha žychara horada Biešankovičy. Jaho abvinavačvajuć u tym, što jon publična demanstravaŭ nacysckuju simvoliku ŭ internecie.
Skrynšot videatranślacyi
Pa źviestkach śledstva, vosieńniu 2024 hoda mužčyna zdymaŭ i vykładvaŭ u tyktok videa, na jakich pakazvaŭ tatuiroŭku sa svastykaj na palcy ruki. Hety simvał u Biełarusi aficyjna pryznany nacysckaj simvolikaj.
Raniej mužčynu ŭžo dvojčy karali administracyjna za padobnyja dziejańni. Adnak u krasaviku 2025 hoda, znachodziačysia ŭ stanie ałkaholnaha apjanieńnia, jon znoŭ pravodziŭ žyvyja tranślacyi, u jakich pakazvaŭ svaju tatuiroŭku z nacysckaj simvolikaj.
Padčas śledstva byli dapytanyja śviedki i abvinavačany, pravieranyja jaho telefon i zapisy tranślacyj. Ekśpiertyza pakazała, što jon byŭ u stanie ŭśviedamlać svaje dziejańni i kantralavać siabie. Vyjaviłasia taksama, što mužčyna nie pracuje i ŭžo nieadnarazova byŭ asudžany za kradziažy, rabavańni, uhony i inšyja złačynstvy.
U vyniku jamu vystaŭlena abvinavačańnie pa artykule 341-1 Kryminalnaha kodeksa — za paŭtornaje publičnaje demanstravańnie nacysckaj simvoliki ŭ internecie. Pa sankcyi prakurora jon zaklučany pad vartu. Spravu pieradaduć u sud, mužčynu pahražaje da čatyroch hadoŭ pazbaŭleńnia voli.
Čytajcie taksama:
Maładych mazyrskich skinchedaŭ z «Ducha Rusi» buduć sudzić za «prapahandu teraryzmu»
Prakuratura rastłumačyła, čamu ŭ Biełarusi zabaranili łahatyp modnaha brytanskaha brenda
Z pačatku hoda bolš za 300 čałaviek asudzili za «prapahandu nacyzmu»