U Polščy na biełarusa napaŭ rabaŭnik prosta na vulicy

Incydent adbyŭsia ŭ kancy maja ŭ Biełastoku, paviedamlaje miascovaja palicyja.

Fota: bialystok.policja.gov.pl

U kancy maja ŭ palicyju źviarnuŭsia hramadzianin Biełarusi. Jon paviedamiŭ, što da jaho na vulicy padyšła hrupa maładych mužčyn. Adzin ź ich paprasiŭ hrošaj, paciarpieły daŭ jamu 3 złotyja. Ale paśla karotkaj razmovy chłopiec raptam udaryŭ biełarusa ŭ tvar i pačaŭ dušyć. Kali mužčyna aprytomnieŭ, to zaŭvažyŭ, što z kišeni źnik telefon koštam 500 złotych.

Spravaj zanialisia śledčyja z treciaha adździeła palicyi Biełastoka razam z kryminalistami. Jany ŭstanavili asobu i miescaznachodžańnie napadnika. Im akazaŭsia 18-hadovy žychar Zabłudaŭskaj hminy. Jaho zatrymali doma i dastavili ŭ palicejski izalatar.

Ciapier junaku pradjaŭleny abvinavačańni ŭ rabavańni, za što jamu pahražaje da 15 hadoŭ źniavoleńnia.

Kamientary da artykuła