Byłoha milicyjaniera asudzili za raspalvańnie varožaści i zaličyli ŭ terarysty
Da zatrymańnia Alaksandr Mazuryn kiravaŭ adździełam achovy ŭ bujnym drevaapracoŭčym pradpryjemstvie. Jamu pahražała ad 5 da 12 hadoŭ źniavoleńnia
Alaksandr Mazuryn. Fota z bazy «Kibierpartyzanaŭ»
Alaksandru Mazurynu 44 hady. Jon advučyŭsia ŭ Akademii MUS i pajšoŭ pracavać u milicyju. Dasłužyŭsia da dziažurnaha inśpiektara HUUS Minharvykankama i zvańnia kapitana. U 2012-m byŭ zvolnieny ź milicyi.
U 2013-m Mazuryn uładkavaŭsia načalnikam adździeła achovy ŭ drevaapracoŭčaje pradpryjemstva «Interdors». Na pradpryjemstvie pracuje bolš za 150 čałaviek.
Taksama Alaksandr maje status IP, śfiera dziejnaści jakoha — raspracoŭka prahramnaha zabieśpiačeńnia i kansultavańnie ŭ hetaj halinie.
Mazuryna asudzili pa abvinavačańni ŭ raspalvańni varožaści (č. 3 artykuła 130 KK) — ad 5 da 12 hadoŭ źniavoleńnia. 16 červienia jaho dadali ŭ śpis «terarystaŭ», jaki robić KDB. Sutnaść abvinavačańnia, jak i prysud nieviadomyja.