Kamisija pa viartańni razhledzieła 8 zvarotaŭ

17 červienia ŭ Biełarusi pad staršynstvam hienieralnaha prakurora Andreja Švieda adbyłosia čarhovaje pasiadžeńnie tak zvanaj «kamisii pa viartańni» — struktury, jakaja razhladaje zvaroty hramadzian, što znachodziacca za miažoj i žadajuć viarnucca na radzimu, ale aścierahajucca, što na joj mohuć być represavanyja pa palityčnych matyvach. 

Andrej Švied. Fota: Hienprakuratura

Na razhlad kamisii hetym razam było vyniesiena vosiem novych zvarotaŭ, adnak pra kankretnyja vyniki rašeńniaŭ tradycyjna nie paviedamlajecca.

Jak śćviardžaje Hienprakuratura, ludzi, jakija źviartajucca, nibyta vykazvajuć hatoŭnaść «vieści pravapasłuchmiany ład žyćcia, pavažać nacyjanalnuju simvoliku i tradycyi, śviadoma i aktyŭna vykonvać hramadzianski abaviazak».

U lutym, Andrej Švied zajaŭlaŭ, što kamisija ŭžo atrymała 241 zvarot. Pa vynikaŭ ich razhladu kala 40 čałaviek atrymali stanoŭčy adkaz, a 19 viarnulisia ŭ Biełaruś.

Kamientary da artykuła