Камісія па вяртанні разгледзела 8 зваротаў

17 чэрвеня ў Беларусі пад старшынствам генеральнага пракурора Андрэя Шведа адбылося чарговае пасяджэнне так званай «камісіі па вяртанні» — структуры, якая разглядае звароты грамадзян, што знаходзяцца за мяжой і жадаюць вярнуцца на радзіму, але асцерагаюцца, што на ёй могуць быць рэпрэсаваныя па палітычных матывах. 

Андрэй Швед. Фота: Генпракуратура

На разгляд камісіі гэтым разам было вынесена восем новых зваротаў, аднак пра канкрэтныя вынікі рашэнняў традыцыйна не паведамляецца.

Як сцвярджае Генпракуратура, людзі, якія звяртаюцца, нібыта выказваюць гатоўнасць «весці правапаслухмяны лад жыцця, паважаць нацыянальную сімволіку і традыцыі, свядома і актыўна выконваць грамадзянскі абавязак».

У лютым, Андрэй Швед заяўляў, што камісія ўжо атрымала 241 зварот. Па вынікаў іх разгляду каля 40 чалавек атрымалі станоўчы адказ, а 19 вярнуліся ў Беларусь.

Каментары да артыкула