U KNDR z druhoj sproby ŭsio ž spuścili na vadu skandalny vajskovy karabiel
U Paŭnočnaj Karei z druhoj sproby spuścili na vadu eśminiec «Kan Hon». Hetym razam cyrymonija, na jakoj prysutničaŭ sam Kim Čen Yn razam sa svajoj dačkoj, prajšła paśpiachova. Karejski lidar padniaŭsia na bort karabla i zapeŭniŭ ekipaž, što kraina budzie i dalej uzmacniać svaje vajskova-marskija siły, piša Euronews.
Fota: Korean Central News Agency/Korea News Service via AP
Pieršaja sproba, jakaja adbyłasia 21 maja, skončyłasia niaŭdačaj — karabiel pierakuliŭsia i zatanuŭ. Paśla hetaha aryštavali čatyroch čałaviek, u tym liku troch supracoŭnikaŭ vierfi i namieśnika kiraŭnika partyjnaj kamisii pa abaronnaj pramysłovaści. Ich pryznali vinavatymi.
Karabiel adnavili mienš čym za miesiac — pa zahadzie Kima Čen Yna da pačatku źjezdu partyi. Adnak jaho daviałosia pieravieźci ŭ suchi dok u porcie Radžyn, što niedaloka ad rasijskaj miažy. Heta vyklikała zdahadki, što Rasija mahła dapamahčy z ramontam.
Adnak raźviedki Paŭdniovaj Karei i ZŠA ličać, što ramont moh być tolki źniešnim, a karabiel jašče nie hatovy da bajavoha vykarystańnia.
Čytajcie taksama:
Novy paŭnočnakarejski eśminiec atrymaŭ praboiny pry spusku na vadu. Kim Čen Yn u hnievie
Narkotyki i teror. Pierabiežčyk raskryŭ sakrety paŭnočnakarejskaj palityki
Kim Čen Yn zapeŭniŭ, što budzie padtrymlivać Rasiju ŭ vajnie z Ukrainaj
Kim Čen Yn pad kavu i cyharetu panaziraŭ za artyleryjskimi vučeńniami