Stała viadoma pra vyzvaleńnie palitviaźnia sa Žłobina
Pravaabaroncy daviedalisia, što Maksim Palitaŭ sa Žłobina, jaki adbyvaŭ pakarańnie na «chimii» ŭ horadzie Krupki, byŭ vyzvaleny jašče 29 studzienia 2025 hoda. Infarmacyja pra heta, adnak, paćvierdziłasia tolki ciapier, piša «Homielskaja viasna».
Fota ilustracyjnaje
Maksima Palitava zatrymali 4 listapada 2022 hoda i abvinavacili pa č. 1 art. 342 Kryminalnaha kodeksa — za ŭdzieł u mirnych pratestach u 2020 hodzie ŭ Žłobinie, što ŭłady interpretavali jak «arhanizacyju dziejańniaŭ, jakija hruba parušajuć hramadski paradak». Sudździa Jaŭhien Jerafiejeŭ pryznaŭ mužčynu vinavatym. Paźniej Homielski abłasny sud na čale z Halinaj Śviatko pakinuŭ prysud u sile.
U lutym 2023 hoda Maksima zanieśli ŭ tak zvany «śpis ekstremistaŭ» MUS, a ŭ sakaviku taho ž hoda biełaruskija pravaabaroncy pryznali jaho palityčnym źniavolenym.
Maksim Palitaŭ — adzin z bolš čym 170 žycharoŭ Žłobina, represavanych za ŭdzieł u mirnych akcyjach pratestu suprać falsifikacyi vybaraŭ i milicejskaha hvałtu ŭ 2020 hodzie.
Čytajcie taksama:
Praź dzieviać miesiacaŭ paśla vyzvaleńnia pamior palitviazień Valeryj Bohdan
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
Stała viadoma proźvišča jašče adnaho palitviaźnia, vyzvalenaha letaś pa pamiłavańni