Стала вядома пра вызваленне палітвязня са Жлобіна
Праваабаронцы даведаліся, што Максім Палітаў са Жлобіна, які адбываў пакаранне на «хіміі» ў горадзе Крупкі, быў вызвалены яшчэ 29 студзеня 2025 года. Інфармацыя пра гэта, аднак, пацвердзілася толькі цяпер, піша «Гомельская вясна».
Фота ілюстрацыйнае
Максіма Палітава затрымалі 4 лістапада 2022 года і абвінавацілі па ч. 1 арт. 342 Крымінальнага кодэкса — за ўдзел у мірных пратэстах у 2020 годзе ў Жлобіне, што ўлады інтэрпрэтавалі як «арганізацыю дзеянняў, якія груба парушаюць грамадскі парадак». Суддзя Яўген Ерафееў прызнаў мужчыну вінаватым. Пазней Гомельскі абласны суд на чале з Галінай Святко пакінуў прысуд у сіле.
У лютым 2023 года Максіма занеслі ў так званы «спіс экстрэмістаў» МУС, а ў сакавіку таго ж года беларускія праваабаронцы прызналі яго палітычным зняволеным.
Максім Палітаў — адзін з больш чым 170 жыхароў Жлобіна, рэпрэсаваных за ўдзел у мірных акцыях пратэсту супраць фальсіфікацыі выбараў і міліцэйскага гвалту ў 2020 годзе.
Чытайце таксама:
Праз дзевяць месяцаў пасля вызвалення памёр палітвязень Валерый Богдан
Памятаеце палітвязня Вітухноўскага, які пайшоў ваяваць за Расію? Ён ужо загінуў
Стала вядома прозвішча яшчэ аднаго палітвязня, вызваленага летась па памілаванні