Mužčyna z Bresta nałaviŭ na viačeru rakaŭ na 9 tysiač rubloŭ
34-hadovy žychar Bresta trapić pad sud za toje, što ŭ traŭni łaviŭ rakaŭ u zabaronieny pieryjad, paviedamiła prakuratura Bresckaj vobłaści.
Mužčyna pastaviŭ čatyry rakałoŭki na voziery Vyčułki, choć na toj momant u Bresckaj vobłaści dziejničała zabarona na łoŭlu ryby i rakaŭ z-za nierastu.
U vyniku jon złaviŭ 50 rakaŭ i adnaho karasia. A kali pryjšoŭ zabrać ułoŭ, to jaho zaŭvažyli inśpiektary achovy pryrody. Mužčyna apraŭdvaŭsia, što prosta chacieŭ nałavić štości na viačeru.
Pryrodaachoŭnyja ekśpierty acanili škodu pryrodzie ŭ 9 tysiač rubloŭ. Mužčyna dobraachvotna kampiensavaŭ hetuju sumu da suda.
Ciapier jamu pahražaje adkaznaść za niezakonnuju łoŭlu ŭ zabaronieny čas. Pakul jon znachodzicca pad padpiskaj ab niavyjeździe.
Čytajcie taksama:
«Rybu zvyčajna škadujem». Asablivaści rybałki pa-biełarusku
Rybak na Prypiaci vyciahnuŭ taŭstałobika vahoj za 25 kiłahram