Мужчына з Брэста налавіў на вячэру ракаў на 9 тысяч рублёў
34-гадовы жыхар Брэста трапіць пад суд за тое, што ў траўні лавіў ракаў у забаронены перыяд, паведаміла пракуратура Брэсцкай вобласці.
Мужчына паставіў чатыры ракалоўкі на возеры Вычулкі, хоць на той момант у Брэсцкай вобласці дзейнічала забарона на лоўлю рыбы і ракаў з-за нерасту.
У выніку ён злавіў 50 ракаў і аднаго карася. А калі прыйшоў забраць улоў, то яго заўважылі інспектары аховы прыроды. Мужчына апраўдваўся, што проста хацеў налавіць штосьці на вячэру.
Прыродаахоўныя эксперты ацанілі шкоду прыродзе ў 9 тысяч рублёў. Мужчына добраахвотна кампенсаваў гэтую суму да суда.
Цяпер яму пагражае адказнасць за незаконную лоўлю ў забаронены час. Пакуль ён знаходзіцца пад падпіскай аб нявыездзе.
Чытайце таксама:
У Магілёве рыбакі налавілі ў Дняпры чырванакніжнікаў і атрымалі вялікі штраф з хатняй «хіміяй»
«Рыбу звычайна шкадуем». Асаблівасці рыбалкі па-беларуску