«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca

Vystupajučy na naradzie z kiniematahrafistami, Łukašenka siarod inšaha nie ŭtrymaŭsia, kab publična nie prademanstravać svaje niezahojenyja rany za 2020 hod i nie padzialicca strachami pierad budučyniaj. U jahonaj pres-słužbie ličać, što «heta treba pasłuchać».

Skrynšot ź videa

«2020 hod pakazaŭ nam. Nu, što tut chavać — jon pakazaŭ nam, chto jość chto. I vy byli napieradzie. I što? Što było b, kab nie vytrymali ŭ 2020 hodzie? My b vajavali. Nu voś pasłuchajcie. Ty [padymaje namieśnika kiraŭnika administracyi Uładzimira Piarcova. — NN] mnie časta padkidvaješ — vajavali. Dy nie vajavali b — nas by nie było daŭno. Vy bačycie, što va Ukrainie robicca. Nas by tut nie było. 

Nu i što ad vašych emocyj? Ja nie chaču vas usich ahułam abvinavačvać. Vy ludzi emacyjnyja i inšaje. Ja taksama. Ale emocyi treba časam vykarystoŭvać na karyść spravy. I chavać ich padalej da pary da času. Nie śpiašajciesia, kudy vy śpiašajeciesia? Filmy zdymać vy nie śpiašajeciesia. A voś vyskačyć na vulicu ŭ karotkich spadničkach — heta vy mahli. I ŭsich hvałtavali tam. Abo zakazuchu ciapier jakuju-niebudź stvaryć. Słuchajcie, tak pryhoža ŭmiejuć rabić. Pačynaju raźbiracca, chto jany — a jany vychadcy adtul. 

Spyniciesia, vy krainu źniščycie. Ja časta kažu, što ja čałaviek adychodziačy, a vam… Voś, Kirył [źviartajecca da režysiora Kiryła Chaleckaha. — Zaŭv. NN], tabie 24 hady, tabie žyć i žyć. Tabie ŭ hetaj krainie žyć. Chočaš u łapciach chadzić, jak raniej? Chadzi. Ale dobra, kali ty adzin budzieš chadzić. A maje to dzieci čym vinavatyja, što ich taksama ŭ łapci adzienuć i bizunom buduć ściabać? Navošta?», — stroha adčytaŭ udzielnikaŭ narady Łukašenka. 

Kamientary da artykuła