Chto tyja ludzi, jakimi zapoŭnili Nacyjanalny futbolny stadyjon pry jaho adkryćci?

U Minsku 7 červienia z pompaj adkryvali Nacyjanalny futbolny stadyjon, jaki Alaksandr Łukašenka ŭ svaim vystupie pradstaviŭ jak padarunak ad Kitaja. Paśla jahonaj pramovy prajšoŭ futbolny matč pamiž moładzievymi zbornymi Biełarusi i Kitaja, pry hetym trybuny, jakija mieściać 33 tysiačy hledačoŭ, byli zapoŭnienyja. Za košt čaho, daviedaŭsia «Fłahštok».

Fota: «Chojnickija naviny»

Akazałasia, što masoŭku na adkryćcio zvozili z usioj krainy — navat z samych addalenych kutkoŭ.

Kab zabiaśpiečyć zapoŭnienaść trybun, u Minsk tradycyjna nakiravali čynoŭnikaŭ i rabotnikaŭ biudžetnych arhanizacyj.

Delehacyja z Chojnickaha rajona. Fota: «Chojnickija naviny»

Naprykład, z Homiela pryvieźli nie tolki ideołahaŭ abłvykankama, rabotnikaŭ pradpryjemstvaŭ, ale i biudžetnikaŭ z rajonaŭ — navat takich addalenych jak Jelski, Chojnicki, Brahinski i inšyja.

Delehacyju, naprykład, ź Jelska ŭznačalvała staršynia rajonnaha Savieta deputataŭ Aksana Zacharčanka.

Delehacyja ź Jelskaha rajona. Fota: «Narodny hołas»

Fłahštok vyśvietliŭ, u kolki miascovym biudžetam abyšłasia dastaŭka «zaŭziataraŭ» u Minsk, kab vystup Łukašenki prajšoŭ pry zapoŭnienych trybunach.

Rečycki rajvykankam abjaŭlaŭ tendar na transpartnyja pasłuhi pa dastaŭcy delehacyi ŭ Minsk i nazad u dzień adkryćcia stadyjona koštam 2,1 tysiač rubloŭ. A z Chojnikaŭ adpraŭlali 15 čałaviek, tamu najmali mikraaŭtobus, zapłaciŭšy za heta 1,3 tysiačy rubloŭ.

Kamientary da artykuła