Polšča padoŭžyła dziejańnie bufiernaj zony na miažy ź Biełaruśsiu
Polšča padoŭžyła jašče na 90 dzion dziejańnie bufiernaj zony na miažy ź Biełaruśsiu. Adpaviednaje rašeńnie padpisaŭ ministr unutranych spraŭ krainy, jano ŭstupaje ŭ siłu z 8 červienia.
Zdymak ilustracyjny. Fota: Ministerstva ŭnutranych spraŭ i administracyi Polščy
Bufiernaja zona była ŭviedziena 13 červienia 2024 hoda dla abarony ad patoku nielehalnych mihrantaŭ z terytoryi Biełarusi. Jana achoplivaje ŭčastak miažy praciahłaściu kala 60 kiłamietraŭ i pahłyblajecca na terytoryju Polščy na adlehłaść ad 200 mietraŭ da 2 kiłamietraŭ. Uvachod na hetuju terytoryju zabaronieny biez dazvołu pamiežnikaŭ.
Paśla taho dziejańnie bufiernaj zony polskim uradam nieadnarazova praciahvałasia na 90 dzion, pakolki situacyja ź nielehalnaj mihracyjaj pryncypova nie mianiałasia.
Jak paviedamlaje MUS Polščy, za čas isnavańnia zony kolkaść sprobaŭ nielehalnaha pierasiačeńnia miažy źmienšyłasia prykładna na 28%.
Čytajcie taksama:
Jeŭrapiejski kamisar padtrymaŭ pazoŭ Litvy suprać Biełarusi za mihrancki kryzis
U Polščy kazachaŭ i biełarusa buduć sudzić za arhanizacyju niezakonnaj schiemy lehalizacyi mihrantaŭ